بہترین زندگی کے راز, نفسیاتی مسائل کا حل , اپنی صحت بہتربنائیں, اسلام اورہم, ترقی کےراز, عملی زندگی کےمسائل اورحل, تاریخ سےسیکھیئے, سماجی وخاندانی مسائل, ازدواجی زندگی بہتربنائیں , گھریلومسائل, روزمرہ زندگی کےمسائل, گھریلوٹوٹکے اسلامی واقعات, کریئر, کونساپیشہ منتخب کریں, نوجوانوں کے مسائل , بچوں کی اچھی تربیت, بچوں کے مسائل , معلومات میں اضافہ , ہمارا پاکستان, سیاسی سمجھ بوجھ, کالم , طنز و مزاح, دلچسپ سائینسی معلومات, کاروبار کیسے کریں ملازمت میں ترقی کریں, غذا سے علاج, زندگی کےمسائل کا حل قرآن سے, بہترین اردو ادب, سیاحت و تفریح, ستاروں کی چال , خواتین کے لیے , مرد حضرات کے لیے, بچوں کی کہانیاں, آپ بیتی , فلمی دنیا, کھیل ہی کھیل , ہمارا معاشرہ اور اس کی اصلاح, سماجی معلومات, حیرت انگیز , مزاحیہ


ریحام خان کا کہنا ہے وہ فل باڈی ویکس کرواتے ہیں ۔۔۔! ، رانا ثناء اللہ نے تحریک انصاف کے اہم وزیرپر سنگین الزامات عائد کردیئے

  جمعرات‬‮ 8 ‬‮نومبر‬‮ 2018  |  11:59

اسلام آباد(آئی این پی )مسلم لیگ (ن)کے سینئر رہنما اور سابق وزیر قانون پنجاب رانا ثناء اللہ نے واضح کہا ہے کہ وفاقی وزراء نے بغیر ثبوتوں کے ڈاکو ڈاکو کی گردان جاری رکھی تو ہم ثبوتوں کے ساتھ یہودی لابی کی سچائی عوام کو بتائیں گے ، بعض وزراء جن کے حوالے سے ریحام خان کا کہنا ہے وہ فل باڈی ویکس کرواتے ہیں وہ شور شرابہ کر کے اپنی نااہلی چھپانا چاہتے ہیں ،وزیراعظم دنیا میں جہاں بھی جاتے ہیں کنٹینر والی رام کہانی شروع کردیتے ہیں کون بیوقوف ہے

جو ان کی بات سن

کر سرمایہ کاری کریگا، پاکستان میں سرٹیفائیڈ چور جہانگیر ترین ہے ، جہانگیر ترین نے اس جعلی حکومت کے جعلی مینڈیٹ کو مینج کیا اور جہاز بھر بھر کے لوگوں کو بنی گالہ لائے ، پی ٹی آئی کے ورکر باہر بیٹھے ہوئے ہیں جبکہ پٹے والے تمام وزیر بنے ہوئے ہیں،شہبا زشریف پر کرپشن کا الزام لگانے والے عدالتوں میں انہیں الزامات کا جواب دینے کیلئے پیش نہیں ہو رہے۔وہ بدھ کو قومی اسمبلی میں نقطہ اعتراض پر اظہار خیال کررہے تھے ۔ مسلم لیگ (ن) کے رہنما رانا ثناء اللہ نے کہا کہ

گزشتہ دو اڑھائی ماہ کے دوران متعدد بار وفاقی وزراء ایوان میں کھڑے ہو کر اپنی حکومت کا دفاع کرنے اور ملک میں امن وامان کی صورتحال کے حوالے سے ایوان کو آگاہ کرنے کی بجائے صرف شور شرابہ کر کے اپنی نااہلی چھپانے کی کوشش کرتے ہیں ، وہ سمجھتے ہیں کہ شورشرابہ کرنے سے اور اپوزیشن کو ڈاکو ڈاکو کہنے سے عوام کوان کی نااہلی کا پتہ نہیں چلے گا ،حکومتی وزراء اگر بغیر ثبوت کے ڈاکو ڈاکو کی گردان جاری رکھیں گے تو ہم ثبوتوں کے ساتھ یہودی لابی کی سچائی عوام کو بتائیں گے جو ان کو برداشت نہیں ہوگی ،حکومتی بینچوں پر ان لوگوں کو چوری کا مینڈیٹ لے کر بٹھایا گیا ہے ۔انہوں نے کہا کہ عمران خان نے شہباز شریف پر الزام لگایا کہ انہوں نے پانامہ کیس میں ان کو دس ارب روپے کی پیشکش کی جس پر شہباز شریف نے

انہیں نوٹس بھیجا اور کہا کہ ثابت کریں ، اس کیس کی بار بار تاریخیں پڑ رہی ہیں ،عدالتوں کا احترام کرنیوالے عدالتوں کے بلانے پر پیش نہیں ہو رہے ،ان لوگوں نے ملتان میڑو میں بھی کرپشن کا الزام لگایا جس میں شہباز شریف نے انہیں دوبارہ نوٹس بھیجا اس کیس میں بھی یہ لوگ پیش نہیں ہو رہے ۔رانا ثناء اللہ نے کہا کہ بعض وزراء جن کے حوالے سے ریحام خان کا کہنا ہے وہ فل باڈی ویکس کرواتے ہیں ۔ اس موقع پر حکومتی ارکان نے احتجاج کیا جس پر رانا ثناء اللہ نے کہا کہ

ہم یہ باتیں نہیں کرنا چاہتے مگر حکومتی چاہتی ہے کہ ہم ایسی باتیں کریں جس سے شورشرابہ ہو ، ہم چاہتے ہیں کہ حکومت 100دن پورے کرے اور پھر ہم ان کی پالیسیوں پر مثبت تنقید کریں ۔ رانا ثناء اللہ نے کہا کہ اپوزیشن لیڈر نے اپنی پہلی ہی تقریر میں حکومت کو میثاق معیشت کی پیشکش کی جس کا جواب یہ دیا گیا کہ شہباز شریف کو گرفتار کر لیا گیا ۔ بابر اعوان ، علیم خان ، پرویز الٰہی ، پرویز خٹک کے خلاف بھی نیب میں انکوائریاں چل رہی ہیں مگر ان کو گرفتار نہیں کیا گیا ۔

شہباز شریف پر ایک روپیہ کرپشن کا الزام نہیں مگر پھر بھی ان کو گرفتار کیا گیا ، نیب نے اپوزیشن لیڈر کو عقوبت خانے میں رکھا ہوا ہے جس کے باوجود شہبازشریف آج بھی منفی باتیں نہیں کرتے اور حکومت کا ساتھ دینے کی بات کرتے ہیں، یہ بات ریکارڈ پر ہے کہ سپریم کورٹ نے نوازشریف کو کرپشن پر نہیں بلکہ تنخواہ نہ لینے پر نااہل کیا جبکہ نیب عدالت نے بھی نوازشریف کو کرپشن کے الزام میں بری کیا جس پر نیب نے اپیل بھی دائر نہیں کی ۔انہوں نے کہا کہ

پاکستان میں سرٹیفائیڈ چور ایک ہی ہے جس کا نام جہانگیر ترین ہے ، سپریم کورٹ نے ان کو کرپشن پر نااہل کیا ، جہانگیر ترین نے اس جعلی حکومت کے جعلی مینڈیٹ کو مینج کیا اور جہاز بھر بھر کے لوگوں کو بنی گالہ لائے ، پی ٹی آئی کے ورکر باہر بیٹھے ہوئے ہیں جبکہ پٹے والے تمام وزیر بنے ہوئے ہیں ، خیبرپختونخوا حکومت میں احتساب بیورو کے چیف نے استعفیٰ کیوں دیا تھا ،انہوں نے کہا تھا کہ وزیراعلیٰ پرویز خٹک سمیت 9وزراء پر کرپشن کے الزام میں کارروائی کرنے پر

استعفیٰ دیا ۔رانا ثناء اللہ نے کہا کہ کرپشن کی کہانیاں چھپانے اور غیر ملکی ایجنڈے کو مسلط کرنے کیلئے اس حکومت کو لایا گیا ، عمران خان اگر سچے ہیں تو شہبازشریف پر لگائے گئے الزامات ثابت کریں ، وزیراعظم دنیا میں جہاں بھی جاتے ہیں وہاں کنٹینر والی رام کہانی شروع کردیتے ہیں کون بیوقوف ہے جو ان کی بات سن کر سرمایہ کاری کرے گا، اگر حکومت نے آئندہ بے معنی تنقید نہ چھوڑی تو پھر ان کی کرپشن اوریہودی لابی کی بات ہم کریں گے جس سے ماحول خراب ہونے کی

تمام تر ذمہ داری حکومت پر ہوگی ، ہم آگے بڑھنا چاہتے ہیں تا کہ ملک ترقی کرے ۔ اس موقع پر وزیر مملکت مواصلات مراد سعید نے کہا کہ میری طبیعت ایسی نہیں کہ میں گالی کا جواب گالی سے دوں ، رانا ثناء اللہ نے اپنے قائد کی بیٹی کے بارے میں کیا کہا تھا وہ ریکارڈ پر ہے ، یہ شخص کتنے رنگ بدلتا ہے سب جانتے ہیں ، اعلیٰ عدلیہ کے پانچ ججوں نے نوازشریف کو صادق اور امین نہ ہونے پر نااہل کیا ، ملتان میٹرو منصوبے کے حوالے سے اپوزیشن لیڈر نے نیب کو کیا جواب دیے ہیں

وہ ایوان میں بتائیں جس سے حقیقت عیاں ہو جائے گی نہیں تو میں تمام ریکارڈ ایوان میں لے آتا ہوں ۔انہوں نے کہا کہ اگر اپوزیشن کی ملک کے ساتھ اتنی ہی محبت ہے تو آئیں ایک ایسا قانون لائیں کہ جس نے ایک روپے کی بھی کرپشن کی ہواس کو ڈی چوک میں لٹکائیں ، رانا ثناء اللہ پر ان ہی کی جماعت کے ایک شخص نے 17لوگوں کے قتل کا الزام لگایا ، ماڈل ٹاؤن سانحے میں بھی موصوف کا نام ہے ، ماڈل ٹاؤن میں معصوم لوگوں پر گولیاں برسائیں گئیں ، ملک میں موجود معاشی بحران کے ذمہ دار یہ لوگ ہیں ،ہم پاکستان سے کرپشن کے ناسور کر ختم کر کے دم لیں گے ۔

دن کی زیادہ پڑھی گئیں پوسٹس‎