Android AppiOS App

بہترین زندگی کے راز, اسپیشل نفسیاتی مسائل کا حل , اپنی صحت بہتربنائیں, اسلام اورہم, ترقی کےراز, عملی زندگی کےمسائل اورحل, تاریخ سےسیکھیئے, سماجی وخاندانی مسائل, ازدواجی زندگی بہتربنائیں , گھریلومسائل, روزمرہ زندگی کےمسائل, گھریلوٹوٹکے اسلامی واقعات, کریئر, کونساپیشہ منتخب کریں, نوجوانوں کے مسائل , بچوں کی اچھی تربیت, بچوں کے مسائل , معلومات میں اضافہ , ہمارا پاکستان, سیاسی سمجھ بوجھ, کالم , طنز و مزاح, دلچسپ سائینسی معلومات, کاروبار کیسے کریں ملازمت میں ترقی کریں, غذا سے علاج, زندگی کےمسائل کا حل قرآن سے, بہترین اردو ادب, سیاحت و تفریح, ستاروں کی چال , خواتین کے لیے , مرد حضرات کے لیے, بچوں کی کہانیاں, آپ بیتی , فلمی دنیا, کھیل ہی کھیل , ہمارا معاشرہ اور اس کی اصلاح, سماجی معلومات, حیرت انگیز , مزاحیہ


وزیراعظم پاکستان عمران خان کی ڈیم فنڈ میں امداد کی اپیل، چیئرمین بحریہ ٹاؤن ملک ریاض نے بڑی رقم کا اعلان کر دیا

  ہفتہ‬‮ 8 ستمبر‬‮ 2018  |  11:53

اسلام آباد وزیراعظم عمران خان کی جانب سے ڈیمز کے لیے فنڈز اکٹھا کرنے کی اپیل پر دنیا بھر سے مثبت ردعمل بھی آنا شروع ہو گیا ہے، اس موقع پر بحریہ ٹاؤن کے چیئرمین ملک ریاض حسین بھی پیچھے نہ رہے، انہوں نے وزیراعظم پاکستان کی طرف سے ڈیموں کے فنڈ میں امداد کی اپیل پر پانچ کروڑ روپے عطیے کا اعلان کر دیا ہے اور یہ بھی کہا ہے کہ جہاں بھی ضرورت پڑی ہم مدد کریں گے۔

واضح رہے کہ امریکہ میں موجود پاکستانی کمیونٹی کی رہنما ڈاکٹر فرحت نے کہا کہ ہم وزیراعظم

عمران خان کو تعاون کا یقین دلاتے ہیں، انہوں نے کہاکہ بیرون ملک پاکستانی ہر وقت اپنے ملک کی خدمت کے لیے تیار رہتے ہیں اگر انہیں یقین ہو کہ ان کے پیسے کا استعمال ٹھیک ہو گا وہ ہر قسم کا تعاون کرنے کو تیار ہوتے ہیں، انہوں نے کہا کہ امریکہ میں موجود پاکستانی کمیونٹی وزیراعظم عمران خان کی اپیل پر بڑھ چڑھ کر حصہ لے گی ، لندن میں موجود پاکستانیوں نے بھی اسی عزم کا اظہار کیا ہے، اس کے علاوہ عمران خان کی ڈیمز کے لیے فنڈز کی اپیل پر اے آر وائی کے صدر سلمان اقبال نے پہل کرتے ہوئے ڈیم فنڈز کے لیے ایک لاکھ ڈالر عطیات جمع کروانے کا اعلان کردیا۔ سلمان اقبال نے کہا کہ

ہمیں ڈیم بنانے کی مہم میں چیف جسٹس اور وزیر اعظم کا ساتھ دینا چاہیے، واضح رہے کہ وزیراعظم پاکستان عمران خان نے اپنے ویڈیو پیغام میں پاکستانیوں سے ڈیم بنانے کے لیے فنڈز دینے کی اپیل کر دی۔ وزیراعظم پاکستان نے کہا کہ ڈیمز پاکستان کے بہت ضروری ہیں، ہمیں اس مقصد کے لیے باہر سے کوئی قرضہ نہیں دے گا، ہمیں اپنے ہی وسائل سے یہ ڈیمز بنانے ہیں، اورسیز پاکستانیوں سمیت سب ڈیمز کے لیے جہاد شروع کریں، ڈیمز بنانے کے لیے آج جہاد شروع کرنا ہے، پاکستان کا سب سے بڑا مسئلہ پانی کا ہے، پاکستان کے پاس صرف تیس دن کے لیے پانی ذخیرہ کرنے کی گنجائش ہے، وزیراعظم عمران خان نے کہا کہ اگر ڈیم نہ بنائے گئے تو 2025ء میں پاکستان بنجر ہو جائے گا،پاکستان کو خشک سالی کا سامنا ہو گا،

پاکستان اور دنیا بھر سے پاکستانی دل کھول کر فنڈز دیں، عمران خان نے کہا کہ یقین دلاتا ہوں قوم کے پیسے کی خود حفاظت کروں گا اور آپ کا دیا ہوا یہ پیسہ ڈیمز کی تعمیر میں ہی لگے گا، وزیراعظم عمران خان نے کہا کہ پاکستان کو اس وقت ڈالرز چاہئیں آپ ڈالرز کی صورت میں پیسہ بھیجیں، نیلم جہلم پراجیکٹ میں بھی صرف پیسے نہ ہونے کے باعث دیر ہوئی ہے، اورسیز پاکستانیز کسی بھی ملک میں ہیں وہ جتنا پیسہ بھیج سکتے ہیں بھیجیں،اوورسیز پاکستانیز اپنا کردار ادا کریں تو ڈیم پانچ سال میں بن سکتا ہے،

وزیراعظم عمران خان نے کہا کہ امریکہ اور یورپ میں مقیم پاکستانی ایک ہزار ڈالر یا اس سے زائد بھیجیں، یقین دلاتا ہوں قوم کے پیسے کی خود حفاظت کروں گا۔ وزیراعظم عمران خان نے کہا کہ چیف جسٹس کوڈیمز بنانے پرخراج تحسین پیش کرتا ہوں، میں نے آج چیف جسٹس سے ملکر بات کی ہے ان کے فنڈز کے ساتھ وزیراعظم فنڈ بھی اکٹھا کررہے ہیں۔انہوں نے کہا کہ بیرون ملک پاکستانی جنہوں نے میری شوکت خانم بنانے میں مدد کی ان سب سے درخواست کرتا ہوں کہ پیسے بھیجیں۔

دن کی زیادہ پڑھی گئیں پوسٹس‎